Eusko Jaurlaritzako laguntza-langileak: azterketako galderak zuzentzeko eta merezimenduak aurkezteko akordioa

Laguntzako Langileen Lanbide Elkarteko enplegua finkatzeko prozesu bereziaren eta enplegua finkatzeko salbuespenezko prozesuaren epaimahaia.

Goian aipatutako epaimahaia urriaren 6, 13 eta 18an bildu da, eta honako erabaki hauek hartu ditu:

1.- Irailaren 18an Barakaldoko BECen egindako probak errepikatzeko eskaerak aztertu ondoren, bi izangairengan haurdunaldi- eta erditze-
arrazoiak edo deialdiaren oinarri orokorretako 23.2 atalean aurreikusitako ezinbesteko arrazoiak daudela uste da. Hautagai horiei urriaren 18an dei egiten zitzaien proba egiteko. Epaimahaiak irailaren 18an egindako azterketaren antzeko zailtasun-maila zuen azterketa bat prestatu zuen.

2.- Probak egin ondoren aurkeztutako erreklamazioak ebaluatu ondoren, honako hau erabaki da:

• Hainbat hautagaik eskaera egin dute sarbide orokorreko modalitateko hautaketa-prozesuko txanda desgaitasunentzako erreserbatutako sarbide-modalitatera aldatzeko. Horren aurrean, epaimahai honek ez du aldaketa hori egiteko eskumenik. Sarbide-txandak, hasiera batean, onartuen eta baztertuen behin- behineko zerrendan ezartzen dira, eta horren aurka erreklamazioa aurkez daiteke. Azkenik, onartuen eta baztertuen behin betiko zerrendan sarbide-txandak argitaratzen dira eta ezin da aldaketarik egin.
• Zenbait hautagaik akatsak alegatu zituzten notaren irakurketan eta/edo kalkuluan. Kasu guztietan, ariketak berriro zuzendu dira, eta antzemandako akats materialak zuzendu dira.
• Oposizio-faseko ariketetako galderei egindako erreklamazioak aztertu dira, eta A ereduko eta B ereduko 50. galdera baliogabetzea erabaki da, 70. galderarekin ordezkatuz.

Erabaki honen eranskinean, erantzunen txantiloi berriak sartu dira.

3.- Aldaketa horiek kontuan hartuta, puntuazioen behin betiko zerrenda argitaratzea erabaki da, sartzeko modalitatearen arabera (orokorra edo desgaitasuna duten pertsonentzat gordetakoa). Akordio honen aurka, hautaketa prozesutik bazterturik gertatzen diren izangaiek, gora
jotzeko errekurtsoa aurkeztu ahal izango diote Gobernantza Publikoa eta Autogobernuko sailburuari hilabeteko epean, akordioa argitaratu eta hurrengo egunetik kontatzen hasita, hala ezartzen baitu 39/2015 Legeak, Administrazio Publikoen Administrazio Prozedura Erkidearenak, 121. artikuluan. Errekurtsoari ez bazaio ebazpen adierazirik ematen, errekurtsoa ezetsitzat joko da.

4.- Azkenik, Laguntzako Langileen Lanbide Elkarteko enplegua finkatzeko prozesu berezietako merezimenduak alegatzeko epea 2023ko urtarrilaren 31n irekiko dela erabaki da.

Akordioa hemen ikusi